Guppedantha Manasu 2023 february 23 Episode: గత ఎపిసోడ్‌లో వసు ఇంట్లో.. దేవయాని పెద్ద రచ్చే చేసింది. చక్రపాణిని మాటలతో రెచ్చగొడుతుంది. ‘మా రిషి మీదకి.. మీ వసుధారని.. ఉసిగొల్పడం ఏంటీ?’ అంటూ తప్పుగా మాట్లాడుతుంది. ఏంటీ? ఉసిగొల్పడమా? ఏంటీ మీరు మాట్లాడేది? ఇప్పటి దాకా మీతో ఈ చక్రపాణి మర్యాదగా మాట్లాడుతున్నాడు.. నా భాష.. నా మాట తీరు మీకు తెలియదు.. అయినా నీ కళ్లకి ఎలా కనిపిస్తున్నాం.. కుక్కకు బిస్కెట్స్ వేస్తున్నా అనుకుంటున్నారా? పౌరుషం.. పరువులో నేను ఎవరికీ తీసిపోను.. ఇంట్లోకి వచ్చావ్.. మళ్లీ క్షేమంగా తిరిగి వెళ్లాలని లేదా?’ అంటూ పాత చక్రపాణిలా రెచ్చిపోతాడు. దేవయాని మరింత తప్పుగా మాట్లాడి రెచ్చగొడుతుంది కానీ.. మనసులో చాలా భయపడుతుంది. ఇక నువ్వు ఎంత అంటే నువ్వు ఎంత అంటూ రెచ్చిపోతున్న సమయంలో.. రిషి, వసులు ఇంటికి వస్తారు. రిషి అర్థం చేసుకుంటాడు. పెద్దమ్మా గొడవ చేయడానికే ఇక్కడికి వచ్చిందనమ్మకంతో.. ‘పెద్దమ్మా మీరేంటి ఇక్కడికి వచ్చారు.. పదండి’ అంటూ కారు ఎక్కించుకుని ఇంటికి తీసుకుని వెళ్తాడు. వెళ్తూ వెళ్తూ దారిలో.. ‘పెద్దమ్మా.. ప్లీజ్.. మీరు ఏది చేసినా నాకోసమే అని తెలుసు కానీ.. వద్దు పెద్దమ్మా.. మా ఇద్దరి మధ్య వేరే వాళ్లు రావడం నాకు ఇష్టం లేదు’ అంటూ నచ్చజెబుతాడు. ఇక నేటి కథనంలో రిషి.. దేవయానిని చేయి పట్టుకుని మరీ ఇంట్లోకి తీసుకుని వస్తాడు. అప్పటికే జగతీ, మహేంద్రలు.. ధరణీతో.. ‘దేవయాని ఎక్కడికి వెళ్లింది?’ అనే చర్చలో ఉంటారు.
ఇంకోసారి ఇలా చేయొద్దు..
రిషి దేవయానిని చేయి పట్టుకుని లోపలికి రావడం చూసిన మహేంద్ర, జగతీలు.. ‘రిషి ఎలాగో చెప్పడు.. దేవయాని ఎలాగో మాట దాటేస్తుంది.. ఇద్దరూ కలిసి వచ్చినా ఎక్కడికి వెళ్లారో తెలియదులే’ అనుకుంటారు. అప్పుడే రిషిని మహేంద్ర.. ‘మై బాయ్ రా రా’ అంటూ పిలుస్తాడు. ‘డాడ్ మీతో మళ్లీ మాట్లాడతాను’ అంటూ.. దేవయాని చేయి విడిచి.. ‘పెద్దమ్మా మీరు ఇట్లాంటి పనులు మళ్లీ చేయొద్దు.. మీరు నా మంచి కోసం ఇప్పటి దాకా చాలా బాగా ఆలోచించారు.. కానీ మా విషయంలో మాత్రం నేనే ఆలోచిస్తాను.. మీరేం అనుకోవద్దు.. దయచేసి ఇంకొక్కసారి వసుధార ఇంటికి వెళ్లొద్దు’ అంటాడు రిషి. ఆ మాటతో జగతీ, మహేంద్ర, ధరణీలకు విషయం అర్థమవుతుంది.
రగిలిపోయిన దేవయాని...
‘ఇంకోసారి ఇలా చెప్పే పరిస్థితి నాకు తీసుకుని రావద్దు’ అనేసి రిషి అక్కడి నుంచి వెళ్లిపోతాడు. ఇక ధరణీ కూడా అక్కడే నిలబడి చూడటం అంతా వినేయడం నచ్చని దేవయాని.. ‘అలా చూస్తావేంటీ.. కిచెన్‌లో పనేం లేదా? వెళ్లు’ అంటూ ధరణీపై అరుస్తుంది. దాంతో ధరణీ లోపలికి వెళ్లిపోతుంది. ‘హా వదినగారు.. మీరు బయటికి వెళ్తే ఏ గుడికో పేరంటానికో వెళ్లారు అనుకున్నాను..’ అంటాడు మహేంద్ర. ‘అక్కయ్యా.. వసుధార ఇంటికి ఎందుకెళ్లారు? రిషికి నచ్చనిపనులు ఎందుకు చేస్తున్నారు?’ అంటుంది జగతీ. ‘జగతీ నేనేం చెయ్యాలో ఏం చేయకూడదు నాకు తెలుసు’ అనేసి దేవయాని అక్కడి నుంచి వెళ్లిపోతుంది.
పెన్ డ్రైవ్ వంకతో..
ఇక వసు తల స్నానం చేసి.. జుట్టు విరబోసుకుని.. చెవిలో సాంగ్స్ పెట్టుకుని.. కిచెన్‌లో ఉప్మా చేస్తూ ఉంటుంది. చక్రపాణి అప్పటి దాకా అక్కడే ఉండి బయటికి వెళ్తాడు. రిషి వస్తాడు. ‘పొద్దున్నే వచ్చారేంటీ అంటే నా దగ్గర సమాధానం ఉండాలి కదా.? అనుకుంటూ జేబులోంచి పెన్‌డ్రైవ్ తీసి చూసుకుంటాడు. మళ్లీ జేబులో వేసుకుని కూర్చోబోతుంటే.. వసు కిచెన్‌లోంచి.. ‘నాన్నా ఆ టీపాయి నీట్‌గా పెట్టండి ఉప్మా తెస్తాను’ అంటుంది. దాంతో రిషినే అదంతా నీట్‌గా పెడతాడు. ఇంతలో వసు.. ‘నాన్నా ఇటు రండి’ అంటుంది. రిషినే వెళ్తాడు. గిర్రున్న వసు ఉప్మాలోని గరిటె పట్టుకుని తిరిగే సరికి రిషి ఉంటాడు. చాలా దగ్గరగా ఉంటాడు. ఓ పాట.. కళ్లు ప్రేమకు మించిన భావాన్నేదో పలికిస్తుంటే వసు మురిసిపోతుంది.
వసుకి కన్ఫూజన్..
తేరుకునేలోపు రిషి ఎదురుగా ఉండదు. మరి ఈ రొమాంటిక్ సీన్ నా ఊహా అనుకుంటూ మళ్లీ ఉప్మా పనిలో పడుతుంది. ఇంతలో చక్రపాణి బయటి నుంచి న్యూస్ పేపర్ పట్టుకుని.. లోపలికి వస్తూ వస్తూ.. హాల్లో కూర్చున్న రిషిని చూసి.. ‘రిషీ సార్’ అంటూ ఏదో మాట్లాడుతూ ఉంటాడు. వసుకి ఏం అర్థం కాదు.. తొంగి చూస్తే రిషి ఉంటాడు. మరి తన దగ్గరకు వచ్చి రొమాన్స్ చేసింది రిషినా లేక తన ఊహా.. అనేది మాత్రం అర్థం కాదు. వెంటనే రిషి దగ్గరకు వెళ్తుంది. చక్రపాణి నేను కాఫీ తెస్తాను అని వెళ్తాడు. ‘సార్ మీరా.. సార్ మీరు కిచెన్‌లోకి ఏమైనా వచ్చారా?’ అంటుంది వసు నసుగుతూ. ‘కిచెన్‌లో నాకేం పని? కిచెన్‌లోకి వెళ్లడం నా హాబీ అనుకున్నావా?’ రిషి కోపంగా.
మరి పొద్దున్నే..
‘ఇంతకీ రిషి సార్ లోపలకి వచ్చారా రాలేదా?’ అని వసు మనసులో అనుకుంటూ.. ‘నా మీద కోపం తగ్గదా సార్’ అంటుంది వసు. ‘పెన్నో పెన్సిలో తీసుకుంటే వచ్చే కోపం కాదు ఇది .. పోవడానికి..’ అంటాడు రిషి కోపంగా. ‘అన్నీ వివరంగా చెప్పాను కదా సార్?’ అంటుంది వసు. ‘నీ వివరాలు నాకేం అసవరం లేదు.. అన్నీ మరిచిపోయి ఎప్పటిలా ఉండటం నాకు రాదు..’ అంటాడు రిషి కోపంగా. ‘మరి పొద్దున్నే..’ అంటూ వసుమాట పూర్తి కాకుండానే పైకి లేచి.. ‘ప్రాజెక్ట్‌కి సంబంధించి మొన్న మనం వర్క్ చేసిన డిటైల్స్ అన్నీ ఈ పెన్ డ్రైవ్‌లో ఉన్నాయి.. నువ్వు ప్రెజెంటేషన్ ఇవ్వచ్చు..’ అంటాడు పెన్ డ్రైవ్ వసుకి ఇచ్చి.
ముక్కు మీద కోపం..
‘ఇది కాలేజ్‌లో కూడా ఇవ్వచ్చు కదా? పొద్దున్నే ఇంటికి వచ్చి ఇస్తున్నారేంటీ? ఎమ్‌‌డీ గారికి కోపం ఎప్పుడు తగ్గుతుందో?’ అనుకుంటుంది మనసులో వసు. ఇంతలో చక్రపాణి కాఫీ పట్టుకుని వచ్చి సార్ కాఫీ అంటాడు. ‘నాన్నా రిషి సార్ ఉప్మా తీసుకుంటారు అంటుంది వసు. ‘లేదమ్మా కాఫీ.. అంటాడు చక్రపాణి. వసు ఉప్మా అంటుంది.. చక్రపాణి కాఫీ అంటాడు. ఇక రిషి.. వసు ఉప్మా అన్నప్పుడు.. వసు వైపు.. చక్రపాణీ కాఫీ అన్నప్పుడు చక్రపాణి వైపు తల తిప్పి చూసి చూసి విసుగొచ్చి.. ‘నేను సెలవు తీసుకుంటాను’ అంటాడు కోపంగా. క్షణం ఆగకుండా బయటికి నడుస్తాడు. ‘సార్ సార్’అంటూ వసు, చక్రపాణీలు పిలుస్తున్నా ఆగడు.
జగతీ సలహా..
ఇక రిషి బయటికి వచ్చిన తర్వాత.. ‘పెన్‌డ్రైవ్ కాలేజ్‌లో అయినా ఇవ్వచ్చు.. ఒకవైపు వసుధారని చూడాలని ఉంటుంది. పైగా వసుధార మీద కోపం కూడా ఉంటుంది. నా మనసు ఏంటో నాకే అర్థం కాదు’ అనుకుంటూ తనని తాను తిట్టుకుని బయలుదేరతాడు. ఇక మహేంద్ర, జగతీలు కొబ్బరి నీళ్లు తాగుతూ.. రిషి, వసులు గురించి మాట్లాడుకుంటారు. ‘జగతీ.. ఇక మనం రిషి, వసుల పెళ్లి కోసం ఏదొకటి ప్లాన్ చెయ్యాలి’ అంటాడు. ‘వద్దు మహాప్రభో.. వద్దు.. వాళ్లు ఇప్పుడిప్పుడే దగ్గర అవుతున్నారు.. వాళ్లని అలా వదిలెయ్.. కొత్త ప్లాన్ వేసి.. వాళ్లని డిస్ట్రబ్ చేయొద్దు’ అంటుంది జగతీ.
వసు ఆశ.. రిషి కోపం..
‘నేను ఇవ్వని సార్.. అలా ఇచ్చేస్తే అందులో సగ భాగం నాది కూడా ఉంది కదా.. వి.ఆర్.. అవి మన పేర్లే కాదు.. మన ఆత్మలు కూడా.. అవి ఎలా కలిసి ఉన్నాయో మనం కూడా అలానే కలిసిపోవాలి. పోనీ మీకు ఇస్తాను.. వీని తీసేసి.. ఆ తర్వాత మీ ఉంగరం తీసుకుని వెళ్లండి’ అంటుంది వసు మెడలోని తాళికి ఉన్న ఉంగరం బయటికి తీసి చూపిస్తూ. ‘అదెలా సాధ్యా?’ అంటాడు రిషి. ‘కదా.. మనది బంధం సార్’అంటుంది వసు. ‘మరి బంధం ఉంటే బాధపెట్టాలని ఎక్కడైనా ఉందా?’ అంటాడు కోపంగా రిషి. ఇంతలో రిషికి మహేంద్ర కాల్ చేస్తాడు. ‘హా డాడ్ వస్తున్నా’ అని ఫోన్ కట్ చేసి.. వసుతో.. ‘తప్పు నీ వైపు జరిగింది శిక్ష నాకు పడింది.. ఇది ఎంత వరకూ కరెక్టో నువ్వే ఆలోచించు.. ’ అనేసి కోపంగా వెళ్లిపోతాడు రిషి. దాంతో వసు అక్కడే కూర్చుని ఎమోషనల్ అవుతుంది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star maa and disney+ hotstar)
Read Also: ‘గృహలక్ష్మి’ దివ్య.. ఏజ్ 23 ఈ కన్నడ పిల్ల బ్యాగ్రౌండ్ ఇదీ
Read Also: టాప్ రేటింగ్‌లో ‘మల్లి’.. టీఆర్పీలో టాప్ 5 సీరియల్స్.. కార్తీకదీపాన్ని మించిపోయిందిగా
Read Also:‘జానకి కలగనలేదు’ ఫిబ్రవరి 23 ఎపిసోడ్:జ్ఞానాంబ‌కి జానకి కిడ్నీ.! వెంటనే ఆపరేషన్.. షాక్‌లో రామా
Read Also:‘గుప్పెడంత మనసు’లోకి కార్తీకదీపం మోనిత.. రిషికి పెద్దమ్మగానా.. నో!
Read Also: ‘గృహలక్ష్మి’ ఫిబ్రవరి 23 ఎపిసోడ్: దివ్యకి పెళ్లి.! ధర్నాకి దిగిన తులసి.. దొందూదొందే
Read Also: వంటలక్క-డాక్టర్ బాబు కలసిన ఫస్ట్ సీన్.. గుర్తుపట్టలేనట్టుగా సౌందర్య.. ఎంట్రీలోనే హడల్..
ఎప్పుడొచ్చారు..
మరోవైపు మెషిన్ ఎడ్యుకేషన్ గురించి వసు.. స్టూడెంట్స్‌కి క్లాస్ ఇస్తుంటే.. రిషి గుమ్మం బయట నుంచి చూస్తాడు. నెమ్మదిగా వసు బోర్డ్ వైపు తిరిగి ఉన్నప్పుడు లోపలికి వస్తాడు. ఇక స్టూడెంట్స్ రిషిని చూసి లేస్తుంటే.. ఉష్ అన్నట్లుగా సైగ చేసి.. వెళ్లి చివరి బెంచ్‌లో కూర్చుంటాడు. అయితే వసు చాలా సేపు రిషిని చూడకుండానే క్లాస్ చెబుతుంది. తర్వాత రిషిని చూసినా తన భ్రమ అనుకుని.. క్లాస్ చెబుతుంది. క్లాస్ అవ్వగానే.. స్టూడెంట్స్ అంతా వెళ్లాక.. రిషి నిజంగానే అక్కడున్నాడని గుర్తించిన వసు.. ‘సార్ మీరా.. ఎప్పుడొచ్చారు’ అంటుంది. వెంటనే రిషి కోపంగా లేచి.. నా ఉంగరం నాకిచ్చెయ్ అంటాడు.
రచయిత గురించి
శేఖర్ కుసుమ
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
