Guppedantha Manasu ఫిబ్రవరి 07 ఎపిసోడ్: జగతీ, మహేంద్రలతో చేతులు కలిపి చక్రపాణి..రిషిధారగా తిరిగి రాబోతున్న జంట! (2024)

ఇక వసు.. రిషికి నేటి కథనంలో ఓ బోర్డ్ మీద ప్రాజెక్ట్ ఐడియాలు రాసి వివరిస్తుంది. ‘పిల్లల్ని గుర్తించడం..? కిడ్స్ ఆలోచనలు? అవసరాలు తెలుసుకోవడం? ఈ కాన్సెప్ట్ తర్వాత ఏంటీ?’ ఇలా క్వశ్చన్స్ రాసి.. క్లియర్‌గా రిషికి చెబుతుంది. అంతా విన్న రిషి.. ‘ఆ చివరిలో క్వశ్చన్ మార్క్స్ ఎందుకు పెట్టావ్?’ అంటాడు. ‘యాపిల్ నేల మీద ఎందుకు పడింది అనే ప్రశ్న ఒక గొప్ప సిద్ధాంతాన్ని కనిపెట్టడానికి కారణం అయ్యింది. నా సమాధానం కాదు.. ప్రశ్నే విజ్ఞానం’ అంటుంది వసు. ‘మరి నా ప్రశ్నకు సమాధానం ఎప్పుడు దొరుకుతుంది?’ అంటాడు రిషి.

ఇద్దరూ పైకి లేస్తారు. వసు ముక్కు మీద గీత చూస్తూ ఉంటాడు రిషి. ‘ఏం చూస్తున్నారు సార్’ అంటుంది వసు. ‘ము..ముక్కు..’ అంటాడు రిషి కాస్త ఇబ్బందిగా ముఖం పెట్టి. ‘హ..హ.. నా ముక్కు బాగుంటుందట సార్’ అంటుంది వసు. ‘ఎవరు?’ అంటాడు రిషి కాస్త కోపంగా. ‘అందరూ చెప్పారు..’ అంటుంది వసు. ‘ముక్కు మీద ఏదో..’ అంటాడు రిషి. ‘ఏముంది సార్?’ అంటుంది వసు. వెంటనే రిషి.. వేలు పెట్టి తుడవ బోయి ఆగిపోతాడు. వెంటనే ఫోన్ తీసి.. వసు ఫొటో తీసి వసుకే చూపిస్తాడు. ‘హో ఇదా.. మార్కర్ ఇంక్ అంటుకుని ఉంటుంది సార్’ అంటూ తుడుచుకుంటుంది వసు.

‘ఒకప్పుడైతే మీరే తుడిచేవారు.. ఇప్పుడు దూరంగా ఉండి ఆలోచిస్తున్నారా సార్?’ అనుకుంటుంది వసు మనసులో. ‘దూరమయ్యావు వసుధార..’ అనుకుంటాడు రిషి. ‘దూరం మీరే తగ్గించాలి సార్.. సత్యం మీరే తెలుసుకోవాలి’ అనుకుంటుంది వసు. ‘సరే ఉంటాను సార్’ అంటూ వసు వెళ్లేందుకు బ్యాగ్ తీసుకోబోతుంది. అక్కడే ఉన్న హార్ట్ సింబల్‌కి బ్యాగ్ తగిలి.. పడిపోబోతుంటే.. వసు చేయి పెట్టి పట్టుకుంటుంది. అప్పుడే రిషి కూడా వసు చేయి కింద చేయి వేసి పట్టుకుంటాడు. ఇద్దరూ ఒకరి కళ్లల్లోకి ఒకరు చూసుకుంటారు. హార్ట్ సింబల్‌ని పైకి తీసిన తర్వాత.. ‘ఎందుకు పట్టుకున్నావ్ వసుధారా’ అంటాడు రిషి.

‘హార్ట్ కదా సార్’ అంటుంది వసు. ‘హార్ట్ లేనివాళ్లు కూడా హార్ట్ గురించి మాట్లాడుతారా’ అంటూ రిషి ఆ హార్ట్‌ని తన చేతుల్లోకి తీసుకుంటాడు. వసు చాలా ఫీల్ అవుతుంది. వెళ్తాను సార్ అంటూ వసు వెళ్లిపోతుంది బాధగా. ‘ఎప్పుడో నా జీవితం నుంచి వెళ్లిపోయావ్ కదా వసుధారా.. కొత్తగా ఇప్పుడు వెళ్తాను అని చెబుతున్నావా?’ అంటూ రిషి హార్ట్‌తో మాట్లాడతాడు దిగులుగా. ఇక సీన్ కట్ చేస్తే.. చక్రపాణికి సుమిత్ర కాల్ చేసి.. ‘ఏమండీ ఏంటండి పరిస్థితి?’ అంటుంది. ‘అమ్మాయి జీవితం బాగుపడుతుందని సంతోషించే లోపే వాళ్లిద్దరి మధ్య చిక్కు ముడి వచ్చి పడింది. ఎంత చెప్పినా వినడంలేదు.. తన అభిప్రాయాన్ని మనం గౌరవించాలి..’ అంటాడు చక్రపాణి.

సుమిత్ర అవతల వింటూనే ఉంది. ‘తన సమస్యని తనే పరిష్కరించుకుంటాను అంటోంది. ఏ దేవుడైనా సాయం చేస్తేనే కానీ.. వాళ్లిద్దరూ ఒకటి కారు సుమిత్రా..’ అంటూ ఎదురుగా నిలబడిన జగతీ, మహేంద్రలను చూసి షాక్ అవుతాడు చక్రపాణి. పైకి లేచి.. నమస్తే సార్ నమస్తే మేడమ్ అంటూ.. సుమిత్రా నేను మళ్లీ కాల్ చేస్తాను అని ఫోన్ పెట్టేస్తాడు. కూర్చోండి సార్.. మీరు రావడం చాలా సంతోషంగా ఉంది.. అంటూనే మర్యాదలు చేసే ప్రయత్నం చేస్తాడు చక్రపాణి. జగతీ, మహేంద్రలు కూర్చుంటారు. ‘చక్రపాణి గారు మీ మర్యాదలు కాసేపు పక్కన పెట్టి ముందు మీరు కూర్చోండి’ అంటాడు మహేంద్ర.

చక్రపాణి కూడా కూర్చుంటాడు. ‘మీరు నాకోసం రావడం ఏంటండి.. మీరు రమ్మంటే ఎక్కడికైనా వచ్చేవాడ్ని కదా?’ అంటాడు చక్రపాణి. ‘లేదు చక్రపాణి గారు. వీళ్లదిరీ చూస్తుంటే బాధేస్తుంది. భయమేస్తుంది. రిషి తనంతట తానే నిజం తెలుసుకోవాలని వసు భీష్మించుకుని కూర్చుంది. తనని తప్పు పట్టలేం.. కానీ ఇటు వైపు రిషి కూడా బాధ కూడా చూడలేకపోతున్నాం..’ అంటుంది జగతి. ‘అవును మేడమ్.. అనడానికి వసమ్మ అలా అంటుంది కానీ.. తన కళ్లల్లో బాధ నాకు కనిపిస్తుంది మేడమ్’ అంటాడు చక్రపాణి. ‘అందుకే వాళ్లద్దరినీ సాధ్యమైనంత పక్క పక్కనే ఉండేలా చూస్తే.. ఆ నిజం తొందరగా తెలుసుకునే అవకాశం ఉంటుంది కదా’ అంటాడు మహేంద్ర.

‘ఇద్దరూ మాట్లాడుకుంటూ ఉంటే చనువు పెరిగి రిషి నిజం తెలుసుకునే అవకాశం ఉంటుంది..’ అంటాడు మహేంద్ర. ‘చెప్పండి సార్.. నేనేం చెయ్యగలను?’ అంటాడు చక్రపాణి. ‘వాళ్లిద్దరూ విడివిడిగా కాకుండా సాధ్యమైనంత వరకూ పక్క పక్కనే ఉండేలా చూడాలి’ అంటాడు మహేంద్ర. ‘కాలేజ్‌లో కలుస్తున్నారు.. పొడిపొడిగా మాట్లాడుకుంటున్నారు.. ఒకరి మనసు ఒకరికి తెలుసు కానీ.. ఎవ్వరూ ముందుగా బయటపడటం లేదు.. అందుకే.. వాళ్లిద్దరినీ దూరంగా ఏదైనా టూర్‌కి పంపిస్తే బాగుంటుందని మేము అనుకుంటున్నాం.. దానికి సంబంధించిన వివరాలు చెబుతాం..’ అంటుంది జగతీ. ‘సరే మేడమ్’ అంటాడు చక్రపాణి. దాంతో జగతీ మహేంద్రలు నమస్తే పెట్టి అక్కడి నుంచి బయలుదేరతారు. మంచి జరగాలని దేవుడికి దన్నం పెట్టుకుంటాడు చక్రపాణి.

ఇక వసు ఆటో కోసం వెయిట్ చేస్తుంటే.. రిషి కారు వచ్చి ఆగుతుంది. ‘ఏంటి ఇక్కడ వెయిట్ చేస్తున్నావ్’ అంటాడు. ‘ఇంటికి వెళ్లాలి సార్’ అంటుంది వసు. ‘లిఫ్ట్ ఏమైనా కావాలా?’ అంటాడు రిషి. వసు గుర్రుగా చూడటంతో రిషి కారు దిగి.. వసు దగ్గరకు వెళ్లి.. ‘లిఫ్ట్ ఏమైనా కావాలా.. కావాలంటే అడుగు..’ అంటాడు. ‘నేను ఇప్పుడు ప్రాజెక్ట్ హెడ్‌ని సాలరీ బాగానే వస్తుంది..’ అంటుంది వసు. ‘అయితే?’ అంటాడు రిషి. ‘క్యాబ్‌లో వెళ్లగలను.. సంపాదన కూడా బాగానే ఉంది.. అయినా ఎన్నాళ్లు అని క్యాబ్‌లో తిరుగుతాను సార్.. కొన్నాళ్లకి నేను ఒక కారు కొనుక్కుంటాను.. ఉచితంగా లిఫ్ట్ ఇవ్వబడును అని రాయించి మీలాగే నేను లిఫ్ట్ ఇస్తాను’ అంటుంది వసు. ‘పొగరు..’ అని నసుక్కుంటాడు రిషి.

‘ఏంటి సార్ ఏదో అంటున్నారు?’ అంటుంది వసు ఓరగా చూస్తూ. ‘అసలు ఏంటి తను.. ఇద్దరం ప్రేమించుకున్నాం కదా.. నన్ను మిస్ అయ్యానన్న బాధ తనలో అసలు కనిపించదేంటీ? ఆ మాటలు.. ఆ చిరునవ్వులు.. అవన్నీ మరిచిపోయిందా?’ అనుకుంటాడు రిషి మనసులో. ఇంతలో వసు క్యాబ్ బుక్ చేసుకుని.. ‘హమ్మయ్యా క్యాబ్ బుక్ అయ్యింది సార్’ అంటుంది. ‘హూ అయినా నువ్వు క్యాబ్ బుక్ చేసుకోవడం ఏంటో?’ అంటాడు రిషి. ‘ఏం సార్ ఎందుకు బుక్ చేసుకోవద్దు?’ అంటుంది వసు. ‘అంటే ఎవరో ఒకరు పికప్ తీసుకుంటారు కదా?’ అంటాడు రిషి.

‘ఎవరు వస్తారు సార్’ అంటుంది వసు. ‘నువ్వు పెళ్లి చేసుకున్నవాడని అర్థం కాలేదా?’ అని మనసులో అనుకుని.. ‘హా అర్థం కాలేదా.. అదే నీ కుటుంబంలోకి కొత్తగా వచ్చినవాళ్లు’ అంటాడు రిషి. ‘అయినా కొత్తగా వచ్చిన వాళ్లకి పనులు చెప్పం కదా సార్’ అంటుంది వసు కావాలనే. రగిలిపోతాడు రిషి. అయ్యో సిగ్నల్ కట్ అవుతోంది.. అని వసు ఫీల్ అవుతుంటే.. ‘ఈ మధ్య చాలా మంది బంధాలే కట్ చేసుకుంటున్నారు. సిగ్నల్‌ది ఎంతలే’ అంటాడు ఎత్తిపొడుస్తూ. వసు ఫీల్ అవుతూ మనసులో.. ‘నిజం తెలుసుకోకుండా ఇలా రగిలిపోతారు ఏంటి సార్’ అనుకుంటుంది.

‘అయ్యో క్యాబ్ డ్రైవర్ క్యాబ్ క్యాన్సిల్ చేశాడు’ అంటుంది వసు. ‘హా.. ఈ మధ్య చాలా మంది చాలా క్యాన్సిల్ చేసుకుంటున్నారులే’ అంటాడు రిషి. వసు ఛా అని ఫీల్ అవుతుండగానే.. ‘సరే మరి నేను వెళ్తున్నా బై’ అంటూ కారు దగ్గరకు వెళ్లబోతాడు. ‘సార్’ అని పిలిచిన వసు.. ‘బై.. సార్’ అంటూ చేయి ఊపుతుంది. ‘వస్తాను అనొచ్చుగా’ అనుకుంటాడు రిషి మనసులో రగిలిపోతూ. ‘పిలవచ్చుగా’ అనుకుంటుంది వసు మనసులో. రిషి కారు ఎక్కి.. సీట్ బెల్ట్ పెట్టుకుంటూ.. ఓరగా వసు వైపు చూస్తాడు. ‘సార్ మీరు ఎటువైపు వెళ్తున్నారు?’ అంటుంది. ‘నా దారిలోనే.. అయినా నీ దారి మార్చుకున్నావ్ కదా?’ అంటాడు రిషి.

‘అయ్యో లేదు సార్.. అదే దారి.. అదే గౌతమ్ సార్ ప్లాట్ నే కదా.. మీరే ఇచ్చారుగా.. సరే సార్ వెళ్లండి బై’ అంటుంది వసు. ‘ఏంటో ఇంత పొగరు రావచ్చుగా..?’ అనుకుంటాడు రిషి. ‘రా వసుధార అనొచ్చుగా.. అనరు ఈగో’ అనుకుంటుంది వసు. ‘రా వచ్చుగా’ అని రిషి.. ‘వస్తాను సార్’ అని వసు.. ఇద్దరూ ఒకేసారి అంటారు. దాంతో ఇద్దరూ ఆశ్చర్యంగా ఫీల్ అవుతారు. వసు కారు ఎక్కుతుంది. సీట్ బెల్ట్ పెట్టుకుంటూ.. ‘సార్ దారిలో పిన్నీసులు, బొట్టు బిల్లలు కొనుక్కోవాలి.. ఆపుతారా?’ అంటుంది. ‘హలో నేను లిఫ్ట్ ఇస్తున్నా.. నీ డ్రైవర్‌ని కాదు.. అడగాల్సిన వాళ్లని అడుగు ఇవన్నీ’ అంటాడు రిషి గుర్రుగా. ‘సీరియస్ సింహం’ అని తిట్టుకుంటుంది వసు మనసులో.

ఇక సీన్ కట్ చేస్తే.. జగతీ, మహేంద్ర, రిషి భోజనం చేస్తూ ఉంటారు. ‘రిషి మాట్లాడొచ్చా?’ అంటాడు మహేంద్ర. ‘తన గురించి కాకుండా ఏదైనా మాట్లాడొచ్చు’ అంటాడు రిషి. ‘వసుధార గురించి నువ్వు మాట్లాడమన్నా మేము మాట్లాడం రిషి’ అంటుంది వసు. ‘నాన్నా రిషి.. మెషిన్ ఎడ్యుకేషన్ ప్రాజెక్ట్‌కి సంబంధించి మేమిద్దరం విలేజ్ టూర్‌కి ప్లాన్ చేస్తున్నాం’ అంటాడు. ‘గుడ్ డాడ్.. మంచి నిర్ణయం’ అంటాడు రిషి. జగతీ మనసులో.. ‘వెళ్లేది మేము కాదు రిషి మీరిద్దరూ’ అనుకుంటుంది. ‘సరిగ్గా చెప్పాం కదా.. ఇక మన చెయ్యాల్సింది మనం చేద్దాం జగతీ’ అంటాడు మహేంద్ర నెమ్మదిగా. ‘సరే మహేంద్రా ఉష్’ అంటూ సైగ చేస్తుంది జగతి.

మొత్తానికీ జగతీ, మహేంద్రలు లాస్ట్ మినిట్‌లో ఏదో ప్లాన్ చేసి.. వసు, రిషీలను ఏకాంతంగా దూరంగా పంపించబోతున్నారు. వాళ్ల ప్లాన్ సక్సెస్ అయితే.. రిషి నిజం తెలుసుకుంటాడు. వసు శాంతిస్తుంది. ఇక తిరిగి రిషిధారల్లా ఇంటికి వస్తారు. దేవయానికి దిమ్మ తిరిగిపోతుంది. మరోవైపు నేటి కథనంలో ఇక్కడ వసు.. అక్కడ రిషి.. ఎప్పటిలానే చందమామతో మాట్లాడుకుంటూ ఉంటారు ఒకరి గురించి ఒకరు. చూడాలి మరి రేపటి కథనంలో జగతీ, మహేంద్ర నాటకం ఎంత వరకూ సాగుతుందో. పైగా చక్రపాణి కూడా వాళ్లతో చేతులు కలిపాడు కాబట్టి.. కథనం రసవత్తరంగానే ఉండబోతుంది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star మా and disney+ hotstar)

Read Also:‘త్రినయని’ ఫిబ్రవరి 07 ఎపిసోడ్: విశాల్‌ని చంపేందుకు సుమన.. అన్నప్రాసనలో నయని మనోనేత్రం